TRES E DAMA

Un blog dedicado ao xogo de damas clásicas.

domingo, 6 de xullo de 2025

DATOS PERSOAIS

Henrique Guerra: Son galego, natural de Noia e veciño de Carballo. Mestre de profesión [agora xubilado] e entusiasta dos xogos de mesa por afección. Encántame xogar e ler libros ou revistas de xadrez. Cheguei a participar en torneos e ata conseguín alcanzar o ELO internacional aínda que actualmente debo recoñecer que o teño un pouco abandonado. De cando en vez tamén lle voto algunha partidiña de tute pero, a verdade, como máis gozo é estando de mirón. Sobre o tute ata levei ao prelo un libro que trata da modalidade por parellas. E como a cousa vai por rachas, agora estoulle dedicando a maior parte do meu tempo libre ao marabilloso xogo de damas. Un fascinante divertimento que hai anos me levou a colaborar de forma exporádica na "Revista Internacional de Damas" que se editaba en Murcia. Teño tamén enviado algún que outro problema para publicar na "Enciclopedia Damista" de Portugal. A especial atracción que por estes xogos sinto é o motor que fai que agora tente compartir este gusto e pracer con todos vós.

Con tecnoloxía de Blogger.